Għall-Magħmul m’hemmx Kunsill
By (author): Liliana Risiott
Xtaq jaqbad is-senter u jmur ifittxu u jonxru fuq iz-zuntier. Kellu mus minn t’Għawdex u bih kien ixoqqu fost folla nies u ħadd ma kien ikun jaf xejn. Kien lest imur il-ħabs minn fuq dahru, iżda wiċċ martu agunija ġabu f’sensih. Seħtu, iżda minn taħt l-ilsien għal din l-offiża gravi mhux biss kontra martu iżda kontra kull abitu li neputih kien jilbes. Xtaqlu d-deni. Jirrah Lorenzo jsib kappell jiġih, li qatt ma jsib paċi u li jmut indannat! Iżda ma ħalef l-ebda vendetta. L-iskandlu kien ikun akbar kieku mar isibu u ħanxru.
Mhux għax ma xtaqx, mhux għax ma kienx
jiflaħ għalih. Iżda min kien se
jemmnu? Kellu jiddeċiedi: jew
jaħfer jew iqatta’ l-bqija
t’għomru l-ħabs. Girgor
kien jaf li l-valur tal-irġulija
ma jitkejjilx bil-vendetta.