Il-Barbazzal

Il-Barbazzal jeħodna f’mixja mżewqa sew bi ħwejjeġ li jkunu qed jiġru tassew fl-inħawi magħrufa bħala Ta’ Santa Rita kif ukoll b’fantasiji li jkunu qed jinħolqu f’moħħ it-tfajjel li hu l-karattru prinċipali. Is-silenzju u s-solitudni ta’ dan it-tfajjel jagħtu lok għall-kurżità u jqanqlu interess partikolari fil-karattri ta’ madwaru, li b’xi mod jew ieħor messew mal-barbazzal.
Il-mewta traġika li raha sseħħ minn ġo tieqa ċkejkna introduċietu għall-ħażen ta’ Leli l-Le u l-innoċenza tat-tifla ta’ Saverja s-Seksieka, filwaqt li għamlitu konxju kemm l-injoranza, bħal dik ta’ Iris, iġġib magħha tbatija żejda.
It-tfajjel jibqa’ jżomm f’qalbu l-misteru tal-mewta traġika u għal mument ħassu ħati għas-silenzju tiegħu.
Kif kien ser jgħaddi s-sajf sakemm jerġa’ jsib postu fuq il-bank tal-iskola u joqgħod iħares lejn it-tifla ta’ xagħarha iswed twil u b’għajnejha jleqqu?