Il-Hajja u l-Istorja ta’ Gorg Agius magħruf bħala 'Tal-Mużew'

Min ma semax b’Ġorġ tal-Mużew, li jqabbel?... Ġabra ta pubblikazzjonijiet mhux biss dwar l-istorja ta’ ħajtu, imma fuq kollox tinkludi l-ġabra taqbil li Ġorġ hu tant magħruf għalihom u li hu spontanjament lissen tul ħajtu.

Dan il-ktieb ħareġ proprju fl-okkażjoni ta’ għeluq id-90 sena ta’ Ġorġ Agius u l-65 sena ta’ missjoni kontinwa, kuljum iżur, jitlob u jikkonsla eluf kbar ta’ Maltin u Għawdxin fl-isptarijiet.

Ġabra mill-isbaħ ta’ aktar minn 300 taqbila ta’ ispirazzjoni, ta’ kuraġġ, ta’ ħsieb u riflessjonijiet li Ġorġ għadu sal-lum ixandar kull fejn ikun, partikolarment fiż-żjara li għadu jagħmel ta’ kuljum fi Sptar Mater Dei.

Dan ix-xogħol / studju jinkludi numru estensiv ta’ ritratti bil-kulur dwar il-ħajja ta’ Ġorġ u xejn anqas minn 15-il personalita’ prominenti, Maltin u Għawdxin intervistati jitkellmu dwaru.