Castillo

Finalist tal-Premju Nazzjonali tal-Ktieb Mhux kulħadd jiddeċiedi li jmut. Emma qatlet żewġt irġiel. Dennis Castillo u Tommy Grech. It-tnejn li huma ħadu b’idejn il-Kurunell Muammar Gaddafi meta ġie Malta bejn il-21 u l-24 ta’ Mejju tal-1976. Tommy kien jaħdem il-Palazz ta’ Sant’Anton fejn il-Kurunell kiel is-Sibt u l-Ħadd filgħaxija. Kellu r-ritratt ma’ Gaddafi mdendel fl-intrata tad-dar. Dennis kien spettur u kellu ritratt ma’ Gaddafi fuq l-iskrivanija fl-uffiċċju tiegħu. Qatt ma ddispjaċieha ta’ dak li għamlet. Sakemm darba waħda, tfaċċajt jien quddiem il-bieb tad-dar tagħha. Jien Amanda, it-tifla ta’ Emma. Kieku kellek titlef lil ommok, u meta terġa’ ssibha snin twal wara, issir taf li qatlet, x’tagħmel?