Ħwejjeġ u ġugarelli (Leħħiet Flashcards)
Sensiela ta' leħħiet (flashcards) bil-Malti b'kulma jista' jiġi bżonn għalliem u ġenitur
Introduzzjoni ideali għall-ewwel vokabularju bil-Malti, kull leħħa fiha kelma u ritratt li jmur magħha. Il-vokabularju ġie magħżul b'reqqa wara konsultazzjoni estensiva ma' uħud mill-aqwa esperti fil-kamp tagħhom.
Fuq wara ta' kull leħħa, sett ta' mistoqsijiet li jservu ta' spunti għal konverżazzjoni bil-Malti, waħda mill-ħiliet kruċjali għat-tfal.
Kull leħħa maħduma b'ritratti professjonali biex jinteressaw aktar lit-tfal.
Is-sett jinkludi wkoll nota b'ideat ta' kif tista' tuża l-leħħiet f'logħob.
Dettall uniku f'Malta: dan is-sett jinkludi sett ta' mini-leħħiet bil-permutazzjonijiet kollha tal-artiklu, kif ukoll b'dan u din, biex tkun tista' tuża l-leħħiet mat-tfal bl-artiklu jew mingħajru skont il-bżonn.
Din is-sensiela ġiet ikkreata fuq l-ogħla speċifikazzjonijiet tekniċi, u fiha ċ-ċertifikazzjoni ta' sigurtà f'idejn it-tfal CE. Fl-istess sensiela: L-alfabett, Annimali insetti u għasafar, Ikel, Ibni s-sentenzi u Aqtagħli kurżità
Proġett kofinanzjat mill-Aġenzija Nazzjonali tal-Litteriżmu tal-Ministeru għall-Edukazzjoni u x-Xogħol