Ikel Bnin Ghall-Kontroll Tal-Kolesterol No. 8 Mis-sensiela Fil-kcina m'Anton

Hu diffiċli li ssajjar mingħajr xaħam; wara kollox dan xorta hu meħtieġ fid-dieta tagħna.  Importanti ħafna, iżda, li nikkontrollaw il-konsum tax-xaħam, speċjalment ta’ dak li ġej mill-annimali bħal bejken, butir u xaħam misjub fil-laħam fost oħrajn.  Ix-xaħmijiet żejda jikkawżaw bosta problem fis-saħħa fosthom mard tal-qalb.  Jekk tixtieq tikkontrolla l-kolesterol minħabba kundizzjoni li tbati minnha jew għal skop ta’ prevenzjoni, dan hu l-ktieb ideali għalik.  Fih, jien u Dr Mario Caruana, noffrulek tagħrif bażiku dwar tipi differenti ta’ xaħam li jista’ jaffettwa l-kolesterol fid-demm.  Qabel tibda ssajjar, tajjeb li tiffamiljarizza ruħek sew mat-tipi ta’ xaħmijiet li jeżistu.  Kull riċetta, għalkemm hi għal 4 persuni, toffri analiżi tal-konsum totali ta’ xaħam minn kull persuna.