Inbid ta’ Kuljum

Rebbieħ tal-Premju Nazzjonali tal-Ktieb "Mara bħal Mandy x'nambiha? Jien irrid mara li ttini bis-sieq. Biex meta r-relazzjoni tibda titberfel u tiżżarrat, ikolli f'min inwaħħal. Mandy mhix mara li ttini bis-sieq: Mandy tħobbni. Kultant iġġibli l-kalmanti mill-ispiżerija, ukoll. Ġo vażetti tal-plastik." Il-pubblikazzjoni ta' Inbid ta' Kuljum - id-debutt letterarju ta' Ġużè Stagno - fl-2001 mill-Minima, titqies minn bosta bħala l-punt ta' żvolta għal-letteratura Maltija kontemporanja. Aħrax u onest, giddieb u pastaż, fih ningħataw lemħa tad-dinja ta' madwarna minn għajnejn żagħżugħ li qiegħed ifittex skop għal ħajtu fl-imħabba għal mara miżżewġa. Iżda x'inhi l-imħabba, ħlief illużjoni oħra?