Il-Vuċi Quddiem il-Misteru - Teologi ta' żmienna
Il-‘Misteru’ li jissemma fit-titlu qed jirreferi għat-Traxxendent, dak li fil-lingwaġġ reliġjuż, normalment jissejjaħ Alla. Oriġinarjament, din il-kitba kienet serje ta’ Programmi tar-Radju, imxandra għall-ewwel darba fuq Campus FM. Dik is-serje kienet trattat numru ta’ teologi kontemporanji (sittax b’kollox) li għexu, kitbu, u ħallew isem matul dawn l-aħħar mitt sena. Din il-pubblikazzjoni li issa għandek f’idejk hija interessanti mhux biss għaliex tittratta l-ħsieb u l-kitba ta’ dawn l-individwi – magħrufa bħala teologi – li għażlu li ma jibqgħux siekta quddiem il-Misteru, imma hija interessanti għall-fatt li ser tkompli tgħin biex jiġi żviluppat il-lingwaġġ reliġjuż bil-Malti.
L-Editur ta’ din il-pubblikazzjoni hija Pauline Dimech. Filwaqt li fuq ir-radju kienet responsabbli mill-produzzjoni u mill-preżentazzjoni ta’ din is-sensiela, hawnhekk ħadet ir-rwol ta’ Editur. Dimech hija Lettur fl-Università ta’ Malta u membru tas-Soċjetà tal-MUSEUM.