Is-Salib tal-Fidda

Wieħed mill-klassiċi tal-letteratura Maltija "Patri Wistin Born, bis-Salib tal-Fidda, sa jżid ismu mal-Imgħallmin tal-kitba Maltija. Hu wera ħila kbira biex fassal żewġt iqlub żgħażagħ mifrudin mill-qatgħa soċjali tagħhom u mitfugħin, b'riħet ġrajjiet ta' qsim il-qalb, maġenb xulxin, taħt saqaf wieħed, fuq mejda waħda. U huma ma setgħux ma jinġibdux għal xulxin u jintrabtu bi mħabba safja, kiebja u mistħija li f'dawn il-paġni ħajjin tinħass tbaqbaq u titgħakkes, tfawwar u tinħeba, bejn ħaltejn jekk għandhiex taqta' kull ilġiem u tixref setgħana għad-dawl tax-xemx jew tibqa' mostura fl-ibgħad kenn ta' ruħhom." - Gużè Bonnici