Għall-Glorja tal-Patrija! - Kapriċċi Patrijottiċi

Għax fin-nisġa tal-Istorja dejjem hemm nitfa ħrafa u fit-tifsila ta’ kull ħrafa biċa Storja…

Min kien l-ewwel Malti? U l-frodist Pupull? X’kien id-dnub moħbi li wassal lil Caxaro jikteb il-kantilena? Jista’ jkun l-Assedju ntrebaħ bi żball? X’kumplott daħal fih Dun Mikiel Xerri bla ma jaf? X’ħaseb il-Leader wara li rebaħ l-elezzjoni tal-1987? U l-poplu Malti, x’ġara minnu meta l-elezzjoni rebaħha l-partit Malta tal-Maltin?

F’din il-ġabra ta’ għoxrin storja li jitrattaw perjodi storiċi differenti, Aleks Farrugia jittanta jistudja lill-Maltin fil-kuntest ta’ ġrajjiethom, veri u mistħajla. Umoristiċi, traġiċi, ironiċi, polemikużi, uħud minnhom kontroversjali, dawn l-istejjer huma parti mit-traġitt tal-awtur biex jifhem min hu l-poplu Malti lilhinn mir-retorika tan-nazzjonaliżmu rħis populista.