Ikel Bnin Għall-Kontroll Tad-Dijabete No. 9 Mis-sensiela Fil-kcina m'Anton

F’Malta hawn ħafna persuni li jbatu mill-kundizzjoni tad-dijabete.  Din hi dovuta għal ħafna fatturi fosthom il-kwalità u l-kwantità ta’ ikel li nieklu kif ukoll in-nuqqas ta’ eżerċizzju.  Dan mhux l-ewwel ktieb tiegħi ta’ riċetti li huma adattati għal dawk li għandhom id-dijabete.  Dan il-ktieb iżda joffri xi ħaġa iżjed!  Joffrilek l-informazzjoni ta’ Dr Mario Caruana li hu speċjalista fil-kamp tiegħu.  B’din l-informazzjoni, flimkien mal-pariri li jingħataw mit-tabib, persuni bid-dijabete jirrealizzaw kemm hu faċli biex bil-mod jibdlu kemm l-istil ta’ ħajja li jgħixu kif ukoll l-ikel li jieklu.  Ir-riċetti mogħtijin huma indikazzjoni ċara ta’ kemm it-tisjir għal min hu dijabetiku mhux daqshekk diffiċli.  Fil-verità, bosta mir-riċetti tassew bnini huma adattati għall-membri tal-familja kollha, mhux biss għad-dijabetiċi.