Il-Baruni tad-Droga
Frans Cardona minn dejjem kien iħobb jisfida l-awtoritajiet. Dejjem għex mill-kriminalità. Wara li spiċċa l-ħabs darbtejn minħabba l-istil ta’ ħajja tiegħu, il-lezzjoni mhux talli ma tgħallimhiex imma talli rribella kontra l-pulizija u ħalef vendetta kontrihom, speċjalment kontra Alfred Ellul, il-Kummissarju tal-Pulizija.
Darba minnhom, biċċa negozju li għamel Cardona tmur żmerċ fl-aħħar stadju tagħha, u Ellul jaħtaf din l-opportunità tad-deheb biex jitfa’ lil Cardona l-ħabs għal dejjem… fl-aħħar. Minn hawn tibda pika sfrenata bejniethom biex ikissru lil xulxin. Fil-ħajja kulħadd għandu sigriet x’jaħbi, u Cardona u Ellul għandhom wieħed komuni bejniethom, li jagħmilhom iżjed għedewwa minn qabel. Il-pika ta’ bejniethom tista’ tiġi ssetiljata biss fil-qorti.
Imma fl-aħħar mill-aħħar min minnhom joħroġ rebbieħ f’din it-taqbida?