Product details
- ISBN 9789993270010
- Format: Paperback
- Publisher: Klabb Kotba Maltin
- Publication City/Country: Malta
- Language: Maltese
- Age Group: Ages 7-9, Ages 9-11
Secure
checkout
Fast Shipping
Easy returns
Ħjiel mill-Istorja ta’ Malta
Fi Żmien il-Bronż, jiġifieri bejn 2500 sena u 800 sena QK., kienu jgħammru fi gżiritna nies ta’ razza oħra minn dik ta’ qabel. Aktarx ġew mill-Italja t’isfel. Il-ħiliet tagħhom fil-bini kienu bħal ta’ dawk li għexu f’dawk l-inħawi. Jingħażel l-iktar fost dan il-bini d-dolmen.
Id-dolmen qisu mejda kbira tal-ġebel samm. Mhix akbar minn metru u nofs b’metru u għoli mill-art madwar metru u nofs ieħor. Binja sempliċi. Magħmul minn xriek wieħed kbir fuq imwaqqaf fuq il-ġnub b’ġebliet oħra kbar weqfin.
Skond xi arkeologi dan kien marbut ma’ kulti tad-dfin. Fih, iżda, ma deher l-ebda ħjiel dwar hekk. U la għadam jew fdalijiet oħra tal-bniedem u lanqas fuħħar li kellu x’jaqsam mad-dfin tagħhom. Il-bċejjeċ ta’ bwieqi li nstab fid-dolmen ta’ Wied Moloq (Żurrieq) u Ta’ Ħammut (Naxxar) juru, iżda, li ġejjin minn żmien iċ-Ċimiterji ta’ Ħal Tarxien.
Hemm bosta dolmen imxerrdin mal-gżejjer kollha. Fuq Ta’ Ċenċ f’Għawdex qrib il-Borġ ta’ l-Imramma għadhom jidhru għadd minnhom. U ukoll fix-Xagħra, ħdejn Ġnien Imrik hemm il-Ħaġra ta’ Sansuna.
Leġġendi Maltin
