L-Avventuri ta’ Roderick u Gridoro

Rebbieħ tal-Premju Nazzjonali tal-Ktieb Storja ta' avventura u maġija Gridoro kien tifel misterjuż, jitfaċċa għal għarrieda biex jgħin lil Roderick u jgħib bl-istess mod. Flimkien jinżlu kemm-il darba mill-Garigor Imsaħħar u jmorru f'Art il-Fantasija. Hemmhekk jgħaddu minn bosta avventuri strambi (u xi drabi perikolużi) li jlaqqgħuhom mal-Ħanut li Jagħti b'Xejn, il-Beritta Maġika, Majna l-Għasfur Iswed, Lollipop il-Kelb, it-Tuffieħa tad-Deheb, Kapuċċell is-Serduk Jibki, in-Nanu tal-Bżieżaq, l-Għadira tal-Ilma Qerried, is-Seba' Ġewżiet Moħbija ... U x'kien is-sigriet tas-Seba' Ġewżiet Moħbija? Kif għarfu t-tajbin mill-ħżiena? X'ġara meta fetħuhom? Irnexxielu Roderick isir jaf min hu Gridoro?