L-Għasafar ta’ L-Għana fil-Gzejjer Maltin

L-għasafar ta’ l-għana huma popolari ma’ ħafna dilettanti Maltin u Għawdxin. Is-suċċess fit-trobbija u speċjalment fit-tnissil ta’ l-għasafar ta’ l-għana huwa marbut direttament ma’ kemm wieħed huwa kapaċi jagħraf il-ħtiġijiet ta’ dawn il-ħlejjaq. Dan il-ktieb joffri sors ta’ informazzjoni dettaljata rigward: akkomodazzjoni, guvi, ikel, l-ambjent naturali ta’ l-għasafar, u dak l-aktar adattat għalihom fil-magħluq, il-passa, kif ukoll suġġerimenti utli għal skopijiet ta’ riproduzzjoni.

Din il-ġabra ta’ notamenti u osservazzjoni hija adattata mhux biss għal min għadu kemm beda, jew qed jitħajjar biex jibda jrabbi, iżda wkoll għal min diġa’ midħla sew f’dan il-qasam. Ħafna minn din l-informazzjoni hija siewja wkoll għal min irabbi l-kanarini u għasafar oħra. ‘Il-fuq minn mitt ritratt u tpinġija joffru l-aħjar mezz biex il-qarrej ikun jista’ jidentifika xi għasfur partikolari. Dan il-ktieb, frott snin twal ta’ esperjenza, għandu jservi biex lid-dilettant jgħinu joffri xejn inqas mill-aħjar possibbli għall-għasafar u l-frieħ tagħhom, u sabiex, wara kollox, ikun jista’ jgawdi s-sbuħija u l-għana ta’ dawn il-meravilji.