Il-każ tal-Kappell Ikkalibrat

X’jiġifieri ma tafx min jien? Jien l-Kapural Kukkarda Cucciardi u din l-istorja tal-Kappell Ikkalibrat u kif in… le, mhux se ngħidlek xi ġralu. Dan il-każ li solv… lanqas min solvieh m’jien se ngħidlek. Ma tarax!

Konna qed ngħidu, il-każ tal-kappell kien jaħraq għax f’Maxta l-kpiepel huma importanti daqs l-arja nnifisha. Issa aqbad il-ktieb u aqrah u tkun taf li ġralu l-Kappell Ikkalibrat, min hi s-Sinjura Montera u x’għandhom x’jaqsmu Fedora, Skufja, Panama … U le, mhux se ngħidlek li jiena l-aqwa kapural li qatt eżista …