Product details
- ISBN 9790000000000
- Format: Paperback
- Publication Date: 2017
- Publisher: Horizons
- Publication City/Country: Malta
- Language: Maltese
Secure
checkout
Fast Shipping
Easy returns
Ħafna drabi ngħidu li ż-żmien jgħaddi u jnessi, iżda wisq drabi wkoll it-tifkiriet u r-reminixxenzi li jħallilna mhux lakemm twarrabhom - bħalma mhux faċli tinsa l-akbar ġrajjiet f'ħajtek u ta' dawk li kienu jgħixu madwarek.
Il-Moviment Qawmien Letterarju twieled 50 sena ilu. Illum forsi ngħidu li kien għamel żmienu, iżda ħadd ma jiċħad il-fatt li - minkejja xi nuqqasijiet 'l hawn u 'l hinn - permezz tiegħu sar ħafna ġid lill-ilsien Malti u lil-letteratura Maltija f'kull ġeneru. Issa dawn daħlu sew fl-isfera tal-ħajja u nkisru għalihom il-barrieri li kienu jbarruhom, ukoll jekk dak li f'dak iż-żmien konna nqisuh 'modern' issa għaddew ħamsin sena minn fuqu.
Huwa dan li jippruvaw jgħidu u jġeddu f'Siparju - ktieb ta' tifkiriet - ħafna mill-protagonisti ta' dak il-Moviment: it-tlugħ u l-inżul li esperjenzaw fl-entużjażmu ħawtieli tagħhom. F'kull wieħed u waħda bħal inħossu l-ferħ għas-sehem mogħti bix-xewqa kbira li lkoll kellhom li l-Malti jibqa' jikber u li l-letteratura Maltija tibqa' tissaħħaħ u turi ż-żmien li qegħdin ngħixu.
