Tisjir fi 30 minuta No. 10 Mis-sensiela Fil-kcina m'Anton

Jekk ma tantx għandek ħin biex issajjar, dan hu l-ktieb ideali għalik! Ir-riċetti mogħtijin f’dan il-ktieb huma turija ċara li biex issajjar u tiekol tajjeb ma hemmx għalfejn iddum għal ħin twil fil-kċina; speċjalment fis-sħana tas-sajf. Madankollu r-riżultat xorta jpaxxi l-għajn u jtiegħem tajjeb. Tisjir ta’ malajr ma jfissirx tħejjija ta’ ikel ta’ kwalità inferjuri. Li lkoll nieklu ikel imsajjar frisk bi prodotti ġenwini jibqa’ dejjem aspett importanti f’ħajjitna. Hekk biss niżguraw irwieħna li, minbarra li nkunu qed nieklu ikel sustanzjuż, inkunu wkoll qed nibżgħu għal saħħitna billi nevitaw ċertu mard bħal pressjoni għolja fid-demm, dijabete u kolesterol għoli.