Vjoletta

Rebbieħ tal-Premju Nazzjonali tal-Ktieb Is-sajf għaddej, imħeddel, jum wara jum. Iċ-ċkejkna Vjoletta u l-qattus tagħha Sinbad qed iqattgħu l-ġranet twal sajfin jilagħbu, jaqbżu mal-mewġ, imorru mawra fuq id-dgħajsa taz-ziju u joħolqu avventuri ġodda, kull waħda isbaħ mill-oħra. Iżda ta' kull filgħodu fil-bitħa nsibu minxurin il-lożor li Vjoletta tkun xarrbet matul il-lejl ta' qabel. Għax Vjoletta għadha tagħmel pipì taħtha. Ix-xemx tiddi biex tferraħ lit-tifla, iżda Vjoletta għandha qalbha sewda. Sakemm darba fost l-oħrajn …