Is-Seba’ Tronġiet Mewwija

Rebbieħ tal-Premju Nazzjonali tal-Ktieb

“l-aqwa fost il-kotba epiċi ta’ fantasija f’pajjiżna” – Ġorġ Mallia

Vira u Toninu kienu jogħxew jisimgħu lil Ċensina tirrakkontalhom il-ħrafa tas-Seba’ Tronġiet Mewwija. U Barbanġ il-qattus, għalkemm il-ħin kollu jikkritika u jiżżuffjetta, kien iħobb jismagħha wkoll. Imma ħadd minnhom qatt ma basar li fi żmien qasir kienu se jsiru parti minn din il-ħrafa. Qatt m’għaddielhom minn rashom li t-Tronġiet kienu jeżistu tassew u li dawn kienu qed jistennewhom.