Ir-Re tal-Ġungla u s-Skiet Misterjuż

L-iljun, ir-Re tal-Ġungla jinduna li kien waqa’ ċertu skiet fir-renju tiegħu. L-għasafar waqfu jgħannu, l-annimali ma baqgħux jidhru barra u saħansitra r-riħ kien donnu waqaf jonfoħ. X’kienet ir-raġuni ta’ din l-imġiba stramba? L-iljun jaf li bħala r-re kien imiss lilu li jinvestiga. X’jagħmel biex forsi jsib tarf din il-problema? Kien hemm rimedju għaliha? Hekk kif l-annimali u l-insetti jiftħu qalbhom miegħu, l-iljun ifittex li jserrħilhom rashom biex il-ħajja tal-ġungla terġa’ lura għal li kienet.