L-Orsini Jagħmlu l-Praspar

Ħames personaggi b’forom, kuluri u daqsijiet differenti jgħixu f’dan il-post speċjali. Flimkien, ukoll, jgħaddu minn avventuri differenti. Bis-saħħa t’hekk, il-ħamest iħbieb jesploraw ħajjithom b’tali mod li jistgħu jifhmuh sew il-qarrejja tfal. Barra minn hekk, kull storja twassal għal avventura ‘Orsina’ differenti, li dejjem tgħaddi messaġġ utli. L-istejjer jistgħu jinqraw mill-adulti lit-tfal, kif ukoll mit-tfal infushom.

Illum Henry ipinġi lil sħabu Whitney u Clyde. Imma msieken, Whitney u Clyde ma jdumux ma jaqbadhom il-ġuħ u jħossuhom għajjenin. Minbarra hekk, Orsinu ieħor joqgħod imqareb ħafna. Tant, li Whitney u Clyde jieħdu għalihom. Tgħid Henry jirnexxilu jpinġihom lil sħabu? Min jaf Whitney u Clyde jħossuhomx aħjar?

L-istejjer tal-Orsini jfittxu li jiftħu l-imħuħ u l-qlub tat-tfal, sabiex juruhom kemm id-dinja tagħna hi tassew sabiħa u maġika!