Dak kollu li ghandek tkun taf fuq it-Tqala u t-Trobbija ta’ Wliedek Bil-kontribuzzjoni ta' Prof. Victor Grech u Prof. Charles Savona Ventura

It-tqala hija perjodu importanti fil-ħajja tal-mara li tkun se ssir omm u anke għall-familja li se tkun tilqa’ ġo ħdanha ħlejqa oħra. It-tqala tikkaġuna tibdil fil-proċessi fiżjoloġiċi kbar fil-mara bit-tir li din titma’ u tkabbar it-tarbija.

Dan il-ktieb jinforma lill-mara fuq dak kollu li għandha tkun taf fuq it-tqala u t-trobbija ta’ wliedha. Huwa ktieb li jagħti informazzjoni dwar it-tibdil li jibda jsir mill-bidu nett kif il-mara ssir taf li hi tqila.

Jagħti informazzjoni dwar kif il-mara għandha tieħu ħsieb lilha nfisha matul it-tqala, kif ukoll wara t-twelid tat-tarbija, b’mod speċjali kif għandu jkun in-nutriment tagħha. Fih jinkludi wkoll kif il-mara u r-raġel għandhom jadattaw ruħhom għal tarbija ġdida fil-familja u kif il-mara għandha tinkludi ’l uliedha l-oħra u s-sieħeb tagħha.

Jgħinek dwar il-preparamenti tat-tqala u kif inti tkun taf bejn wieħed u ieħor x’se jiġri biex tkun aktar ippreparata u ssibha aktar faċli, kemm qabel kif ukoll wara t-twelid. Dan huwa ktieb tajjeb b’informazzjoni verament utli għal ġenituri ġodda li jibdew irabbu familja.

Bil-kontribuzzjoni ta’ Prof. Charles Savona Ventura u Prof. Victor Grech.