Ispirazzjoni Ghal Hajja

Esperjenza ħelwa li għaddejt minnha kienet meta mort l-isptar bil-bużżieqa tal-“baby boy” taparsi ħa jkolli tarbija u dħalt fil-ward biha marbuta mal-bagalja tal-ħwejjeġ.

Ovvjament kulħadd tbissem inklużi in-nurses u anki t-tabib li ġie jarani qabel l-operazzjoni maġġura. Biex inkompli man-nies tellajt post fuq Facebook b’ritratt flimkien mal-bużżieqa u ma naqsux il-kummenti pożittivi u tad-daħk ta’ nies li mbagħad komplew miegħi. L-għan ta’ dan kollu kien biex innaqqas id-dwejjaq u t-tensjoni li kienu għaddejjin minnhom l-familja tiegħi u l-ħbieb ukoll. Fil-fatt iggustajthom meta qaluli “Qatt ma tħallilna spazju biex negħrqu fid-dwejjaq li suppost għaddejin minnu f’dawn il-mumenti diffiċli.” Kienet xi ħaġa li qatt ma ninsiha għax irnexxili nferraħ u nneħħi l-biża’ tal-maħbubin tiegħi.