L-Ewwel darba li Hassejtek

Jason isir jaf li ommu qiegħda toħroġ ma’ Cliff, u li wara kollox missieru ma kienx miet b’diżgrazzja fuq ix-xogħol kif dejjem kienu jgħidulu ommu u nanntu. Meta jsir jaf il-verità kollha jinħakem minn rabja kbira u jitfa’ l-ħtija kollha fuq ommu li skont hu kienet ħarbitlu ħajtu.

Jason jibda jinqata’ għalih waħdu u jgħix bil-ħsieb li xi darba jitlaq għal rasu xi mkien fejn ma jafu ħadd. Għaldaqstant iż-żagħżugħ jgħaddi minn għadd ta’ esperjenzi koroh li jibdew iħarbtulu ħajtu – iżda għodwa waħda nanntu tgħidlu xi ħaġa li hu qatt ma kien jaf…