Vetustior Glorior ġrajjet l-irħieb ta' Santu Wistin fir-Rabat u fl-Imdina c. 1300-2000

Dan il-ktieb jagħtina tagħrif ġdid dwar il-wasla tal-patrijiet jew irhieb mendikanti ġewwa pajjiżna. L-Irhieb Agostinjani fittxew kenn fil-Mellieħa qabel ma marru jgħammru f’imkejjen differenti fir-Rabat, fl-Imdina u f’Għawdex. Dan il-ktieb jagħti tagħrif ġdid dwar l-attakk li sar mill-Mori fl-1429 fuq ir-Rabat u l-Imdina. Wara dan l-attakk, l-Irhieb Agostinjani mexxew id-dejr jew il-monasterju tagħhom għal fuq is-Saqqajja. Id-dejr tagħhom tas-Saqqajja kien ċentru ta’ produzzjoni ta’ kotba, magħrufa bħala inkunabula, u post importanti tat-tagħlim. Kien f’dan il-monasterju fejn xi Patrijiet daħħlu t-tagħlim ta’ ħuhom, l-Agostinjan Martin Luteru, f’Malta.