Għal Dejjem

“Fejn tidħol relazzjoni, wieħed dejjem ifittex l-attenzjoni u l-imħabba ma’ persuna oħra, madanakollu aħna dejjem nibżgħu minn dak li jista’ jmur ħażin.

Kelli relazzjonijiet differenti u ħafna minnhom spiċċaw għax il-bnedmin huma egoisti. F’din il-pittura li jien sejjaħt ‘Illużjonijiet’, hemm għadd ta’ kuluri differenti, xi wħud minnhom ċari u bosta minnhom iktar skuri. Dawn jirrappreżentaw is-sentimenti ta’ dak li jħoss individwu f’relazzjoni, il-kuluri ċari jirrappreżentaw armonija, intimità, fiduċja, filwaqt li l-kuluri skuri jiffiflettu l-infedeltà, l-aspettattivi, ir-rabja, is-solitudni u l-uġigħ kollu li wieħed iħoss f’relazzjoni.

L-għajn fil-pittura tirrappreżenta l-infedeltà jew tista’ wkoll turi lil Alla li qed iħarisna, anke jekk inħossuna mitlufin.

Ir-relazzjonijiet jistgħu jagħmlu persuna sħiħa jew persuna meqruda għal dejjem.”