Il-Kappillan ta’ Malta
Maltese
By (author): Traduzzjoni ta' Wistin Born
Din hija storja ta’ mħabba qalbiena. Hija storja li titwieled u tikber waqt waħda mill-agħar – u l-isbaħ – żminijiet ta’ pajjiżna matul it-Tieni Gwerra Dinjija. Hija storja ta’ qlub kbar fost taqtigħat bla qies. Hija l-istorja tal-ġens Malti u Għawdxi f’siegħa ta’ biża’ u qilla tal-għaġeb. Hija wkoll l-istorja tiegħek fost il-ħruxijiet u l-barkiet tal-ħajja.
Il-Kappillan ta’ Malta hu wieħed mill-akbar epiċi tal-istorja nazzjonali tal-poplu Malti u Għawdxi.
Miktub minn Ingliż ta’ tnebboħ artistiku kbir, Nicholas Monsarrat – li għex l-aħħar għaxar snin ta’ ħajtu f’Għawdex – u maqlub għall-Malti minn kittieb ieħor ta’ sengħa letterarja mill-aqwa, Wistin Born – l-awtur tas-Salib tal-Fidda – dan ir-rumanz jieħdok taħt l-aktar ħbit ħarex tal-bombi Faxxisti, jgħaddik mill-agħar qtigħ il-qalb ta’ nies imwerwra u mġewħa, iżda wkoll joħorġok għall-oħla rebħa tal-għaqal, il-qawwa u l-qlubija.
Ippublikat għall-ewwel darba fl-ilsien Malti, dan ir-rumanz iżomm wieħed mill-aqwa postijiet ta’ ġieħ fil-letteratura tal-Gżejjer Maltin.
Editjat minn Mark Montebello.