Minn Fomm il-Poplu - Il-Maltin jirrakkontaw l-esperjenzi tagħhom dwar il-ħajja Maltija kif kienet fl-ewwel nofs tas-Seklu Għoxrin

Dan il-ktieb għandu valur kbir għaliex jiġbor fih għadd ta’ drawwiet u tradizzjonijiet li sawru l-ġens Malti matul is-sekli. Huma drawwiet u tradizzjonijiet li fl-essenza tagħhom għamluna nazzjon.

Il-ktieb għandu importanza partikolari għaliex dawn id-drawwiet u tradizzjonijiet kienu rrakkontati minn fomm il-poplu stess, jew aħjar mill-għadd ta’ semmiegħa tar-radju tagħna li għexu direttament l-esperjenzi varji tagħhom f’sitwazzjonijiet differenti tal-ħajja u li ħassew, grazzi għal Radju RTK, li jaqsmu ma’ ħaddieħor dawn l-esperjenzi. Mhux ta’ b’xejn li l-ktieb ingħata l-isem ta’ Minn Fomm il-Poplu, għax tassew hu l-poplu li b’mod jew ieħor ta l-kontribut tiegħu għal din il-pubblikazzjoni.