Oliver u l-Mużika fil-Wied

Oliver u l-Mużika fil-Wied huwa t-tieni ktieb minn serje tat-tfal miktubin minn Claudia Micallef.

Oliver ma jiħux gost bil-bidla. Ħuh il-kbir Julian jiddejjaq joqgħod jieħu ħsiebu. Għalkemm l-aħwa ma jaqblux, it-tnejn jieħdu pjaċir iqattgħu nhar ta’ Sibt man-nannu Philip. Filwaqt li Julian iħobb jgħin fix-xogħol tar-razzett, Oliver ikun medhi jkanta u jitgħaxxaq bl-annimali. X’jiġri meta l-imħabba ta’ Oliver lejn il-mużika ġġiegħlu jmur ’il bogħod mir-rutina tas-soltu u mir-razzett? Tgħid Julian ser iżomm il-wegħda li għamel mal-papà? X’se ġġib magħha l-avventura tagħhom u kif ħa taffettwa r-relazzjoni ta’ bejniethom?