Qabża f’Dinja Oħra mill-Klassi ta’ Miss Ambrożja Pulis Kiftaranipenġini

It-tielet ktieb fis-sensiela maġika ta’ Miss Ambrożja Pulis Kiftaranipenġini Miss Ambrożja Pulis Kiftaranipenġini tibgħat it-tfal tal-klassi tagħha fir-Renju Telepatos biex jippruvaw imexxu huma. Għax it-tron tar-Renju Telepatos bħalissa qiegħed bla re. Neħħewh wara li f’nofs battalja qabad jikkomunika bit-telepatija ma’ kreaturi oħra fl-univers, u raqad! Lukas, Tessa u Selena jkollhom jieħdu sehem f’kompetizzjoni diffiċli sabiex jaslu sat-tron. Imbagħad iridu jaraw kemm huma kapaċi jmexxu! U bħalma dejjem jiġri fil-klassi ta’ Miss Ambrożja, it-tfal jagħmlu dan kollu mingħajr ma jiċċaqalqu mill-klassi! X’tistenna meta l-għalliema tkun saħħara! Shhhhhhhhhh!   Ikompli wara t-tieni ktieb f'din is-sensiela: Stejjer ma jitwemmnux mill-klassi ta' Miss Ambrożja Pulis Kiftaranipenġini