Qrempuċu f’Belt il-Ġobon

Il-ktieb klassiku ta' Trevor Żahra issa f'verżjoni ġdida, b'illustrazzjonijiet meħuda mill-film Qrempuċu Imsejken Qrempuċu! Qatta' xitwa sħiħa jterter bil-bard u jokrob bil-ġuħ. U ibnu Qrempuċellu qatta' x-xitwa jisma' t-tgergir ta' missieru. Għalhekk mhux ta' b'xejn li Qrempuċu ħassu jiġġennen meta sema' li xi mkien ’il bogħod hemm belt sħiħa mibnija kollha bil-ġobon! Addijo Wied Peprina! Addijo l-Fenek l-Aħmar, in-Nanna Kolina u l-Qanfuda. Issa Qrempuċu kellu ħsieb wieħed biss ġo moħħu: Belt il-Ġobon. Qrempuċu forsi seta' jobsor li xi darba għad jasal f'din il-belt speċjali, imma żgur li qatt ma basar li għad jasal ukoll fuq il-liżar taċ-ċinema!