Rubini

Lejla xitwija. Sajjetti jleħħu f’sema skur. Xita. Samantha tħares ’il barra mit-tieqa ta’ kamritha, ittappan il-ħġieġa b’nifisha, forsi tilmaħha. Lil oħtha Jasmine. Għalfejn kienu telquha kollha kemm huma?

L-arloġġ jeħodha lura. Passat. Festin. Għeluq sninha.Ġiżirana sabiħa tar-rubini. Robbie, l-imħabba ta’ ħajjitha. Xandru, assassin.

Sparatura. Waħda. Tnejn. Il-ġenituri ta’ Samantha u Jasmine f’qiegħ ta’ tebut. Jurgen ix-Xafra, l-aktar raġel kriminal li hawn f’Malta. Samantha u Jasmine jispiċċaw vittmi ta’ komplott minħabba d-dejn li kien ħalla missierhom.

Qabel issib serħan, Samantha trid tiskopri s-sigrieti kollha li kienu qegħdin jippersegwitawlha ħajjitha.

Rubini… fejn it-tama ma tispiċċa qatt… fejn is-sigrieti jinsabu moħbija fid-dellijiet li kienu qegħdin jimirħu f’Villa Demanuele… fejn ladarba tmur, diffiċli terġa’ tiġi lura.