Cikku il-Bidwi Malti

Filgħodu tal-Ħamis 13 ta’ Ġunju 1963 il-festa ta’ Corpus Christie, waqt li l-qniepen ixandru l-festa tal-Ġisem u d-Demm Imqaddes ta’ Kristu Alla l-Ħaj, bidwi jbattal xkubetta mimlija ċomb jaħraq f’bidwi ieħor. Waqt li l-qattiel jara ‘l sieħbu mgħargħar f’demmu, taqbiżlu bl-ikrah, ikisser il-kanna fuq ras il-mejjet, fuq il-ħajt…Bidwi qatel ieħor. Il-qattiel jaħrab lejn l-irdumijiet imċappas kollu demm.

Paul P. Borg jimraħ sewwa fil-fond tal-ħajja u tal-karattru tal-bidwi qadim Malti, u jislet il-ġrajja tar-rabta intima tal-bniedem mal-ħamrija. Ġrajja ta’ avventura, intriċċi u twegħir.