Id-Djarju ta’ Bertu

Din l-iskema ta’ qari għal-livelli tal-primarja, maħduma fuq l-aħħar ċekkjatura uffiċjali, hija l-ewwel waħda ta’ din ix-xorta f’Malta u tiġbor fiha fost l-aqwa awturi Maltin li kkontribwew għal din l-iskema. Din l-iskema tiġbor ukoll għadd ta’ disinjaturi magħrufa, kemm Maltin kif ukoll barranin.

Din l-iskema tassigura:

·         Varjetà ta’ qari f’dawk li huma stejjer, awturi u disinjturi flimkien ma’ taħlita ta’ kotba fiction ma’ kotba non-fiction li jgħinu jkabbru l-esperjenzi ta’ qari fit-tfal.

·         Varjetà ta’ livelli kemm fl-istess sena kif ukoll fuq snin differenti. Din l-iskema strutturata tkabbar il-kunfidenza fit-tfal biex jibdew jaqraw b’mod indipendenti.

·         Importanza tingħata lil dak il-kliem li jintuża ħafna fil-lingwa Maltija. L-iskema nbniet minn kotba b’sentenzi qosra għal kotba b’sentenzi itwal u b’lingwaġġ aktar kumpless.

·         Il-kotba meqjusa bħala fiction jinkludu kotba ta’ poeżiji u drammi kif ukoll stejjer qosra u stejjer sħaħ.

Din l-iskema hi mqassma f’ħames livelli:

·         Il-livell tal-bidu nett – isfar

·         L-ewwel livell – aħdar

·         It-tieni livell – blu

·         It-tielet livell – oranġjo

·         Ir-raba’ livell – aħmar