Il-Pjan Sigriet ta’ Eduardo

“Familji differenti minn xulxin jistgħu jkunu kuntenti ugwalment. [Dan il-ktieb] iwassal ir-realtà kumplessa tal-kbar fl-univers tat-tfal, eżerċizzju li hu ta’ ġid għal kulħadd.”

Ktieb li jirrifletti, b’mod leġġer u modern, dwar id-divorzju u l-forom differenti ta’ mħabba fil-familji. Wara kollox, ma jeżistux familji perfetti jew familji li huma aħjar mill-oħrajn. Hemm biss is-sentimenti li jgħaqqduhom flimkien.

Eduardo u Diego ħbieb tal-qalb u jagħmlu kollox flimkien, imma d-dar għandhom familji differenti ħafna. Eduardo jgħix f’familja tradizzjonali, mal-papà u l-mamà, filwaqt li Diego għandu żewġ familji, waħda tal-mamà u l-oħra tal-papà. Min jaqla’ l-iktar rigali? Sofia, bla dubju, li wkoll għandha żewġ familji, u li f’waħda minnhom għandha żewġt aħwa mislufin li tgħidx x’bokka għandhom biha!