Is-Sagrififccju tal-Ghogol tad-Deheb

Pia u l-familja tagħha jirċievu ittra li fiha jiskopru li jkunu tilfu d-dar tan-nanna Carmen… Minbarra hekk, Pia ma jkollhiex għażla oħra ħlief dik li ssib it-tielet teżor. Għaliex? Fuq kollox, x’inhu dat-tielet teżor? Jiġri wkoll li t-tifla u Jaden il-ġenju jitolbu l-għajnuna lil Zack u Sarah. Imma għaliex jagħmlu dan?

F’dan l-aħħar ktieb tat-triloġija, l-isfidi li t-tfal jaffrontaw ikunu ħafna iktar perikolużi minn qatt qabel. Ħajjet il-familjari tagħhom saħansitra jkunu jinsabu fil-periklu. Biex ma nsemmux li Margerita u Aaron ikunu jridu jivvendikaw ruħhom minn Pia u sħabha. Imbagħad, l-avvenimenti li jkun seħħu fil-passat imbiegħed, iwasslu għal konsegwenzi li ħadd ma jkun qatt stenna.

Leġġendi, ħrejjef u anke tradizzjonijiet antiki jiġu minsuġin f’din l-avventura epika mimlija bil-misteru…

Dan il-ktieb jieħu l-ħajja bir-Realtà Maħluqa.