Amalia – Il-Ġustizzja

F’dan ir-rakkont inkomplu naraw kif se tisvolġi l-ħajja tal-persunaġġi tagħna.

Kobba mħabbla tassew fejn niltaqgħu ma’ nies bla qalb u tassew kefrin. Nies mill-agħar li jridu jingannaw lil ta’ madwarhom u xejn ma jiddejqu li joqtlu u jagħmlu kull xorta ta’ ħsara. Nies bla ebda kuxjenza li ma jibżgħu minn xejn u minn ħadd. U dawn, bi ħżunija u makakkerija tant kbira dejjem jispiċċaw rebbieħa, irrispettati mis-soċjetà u magħduda bħala nies nobbli. U min-naħa l-oħra, nies onesti u innoċenti jkollhom ibatu l-konsegwenzi ta’ dawn il-miżerabbli li minħabba fihom ħajjithom tispiċċa tinbidel mil-lejl għan-nhar u jsofru bla ebda ħtija.

Imma l-ġustizzja fid-dinja tibqa’ ma ssirx? Possibbli li l-kriminali u l-qattiela jibqgħu dejjem isaltnu, filwaqt li l-innoċenti dejjem isofru? Issir ġustizzja xierqa u mistħoqqa jew tibqa’ tiġi mqarrqa? Ikun hemm xhieda u provi biżżejjed jew jibqgħu ma jinstabux? Kif jispiċċaw il-persunaġġi ta’ dan ir-rumanz?

Rumanz li jħalli lill-qarrejja sal-aħħar paġni fuq ix-xwiek. Rakkont tabilħaqq imqanqal.

addattat minn Charles B. Spiteri