Dal-Baħar Iswed

Ir-raġel bil-farrett f’rasu jiggranfa miegħek u jitolbok tgħinu mingħajr ma jgħidlek kif. Il-Kajboj ilu jsus wara Tikk erbatax-il sena sħaħ. L-Onorevoli Decoco għadu jxomm ir-riħa tal-ħalib kull darba li jagħmel home visit. Lir-Raġel jibqgħu jitfgħulu l-kliem f’ħalqu. Il-mostru ma jieqaf jidħak qatt.
Ilkoll issibhom hawn f’dal-baħar iswed, min iċafċaf fil-wiċċ u min taħtu.
Ilkoll jittamaw li jisbaħ.
Mikiel jirritorna bit-tieni ġabra ta’ stejjer għall-adulti.

Camilleri Haber, bla ma jkun akkużatorju u jipponta wisq sebgħu, ma jonqosx milli jwassal lill-qarrej li dak li hu estern hu projezzjoni ta’ karikatura aktar intrinsika. Forsi l-esaġerazzjoni tal-lineamenti esterni turi l-baħħ u l-vojt ta’ ġewwa. Il-maskra hi espressjoni ta’ ipokresija.

– Ġorġ Peresso