Iż-Żagħżugħ li Ġie mill-Bogħod
Paperback | Maltese
By (author): Charles Buttigieg
Dan huwa rakkont li fil-qalba tiegħu għandu għeruqu fl-esperjenza partikolari tal-awtur fil-ħidma twila tiegħu ma’ bnedmin vittmi ta’ persekuzzjoni u gwerer. Il-ġrajja drammatika tagħhom minnha nfisha tappella għall-komprensjoni u s-solidarjetà tan-nies li d-destin ilaqqagħhom magħhom.
L-istorja torbot mal-għelt u l-qtigħ il-qalb li jaf ikun għadda u għadua jbati minnhom bniedem b’ta’ fuqu senduqu li jfittex kenn u għajnuna bogħod minn art twelidu.
Turi wkoll kemm persuna b’qalb tajba li ġenwinament tgħin lil bniedem vulnerabbli bħal dan jintrefa’ mill-għerq tal-gwaj tiegħu u jieqaf fuq saqajh, taf hi stess tikseb il-frott bnin ta’ esperjenzi ġodda u isbaħ f’ħajjitha.
L-istorja hija fittizja. Fl-istess ħin, hija mera tal-ġrajja ta’ bosta. Hija storja li żżommok fuq ix-xwiek biex tara kif se tkompli u kif se tintemm.