Mhux Bilfors Hekk…

B’dawn l-istejjer, nixtieq naqsam magħkom ftit kitbiet qosra mnebbħin minn osservazzjonijiet – fuq il-ħajja u fuq in-nies li jagħmlu parti minnha – li għamilt matul dan il-vjaġġ, li s’issa ilu sejjer ħamsa u ħamsin sena. L-istejjer huma kollha frott tal-immaġinazzjoni tiegħi  ħlief waħda, li hija bbażata fuq storja (sa fejn naf jien vera) kif irrakkuntaha lili l-protagonist innifsu. Tgħid jirnexxilkom taqtgħu liema waħda hi? Għandkom l-opportunità li tagħżlu liema storja tridu, b’kundizzjoni waħda, li meta tagħmlu l-għażla tagħkom tifhmu li r-risposta t-tajba, mhux bilfors hekk…