Zaru l-Bzaru

F’dan ir-rakkont niltaqgħu ma’ Nazzareno Fava minn Ħal Qormi, magħruf aktar bħala ‘Żaru l-Bżaru’. Żaru kien regettier fil-Belt Valletta fil-bidu ta’ dan is-seklu. Żminijiet li kienu ferm differenti minn żminijietna. Il-Bżaru, raġel ta’ xi ħamsin sena, qsajjar u matnazz, jakkwista pupu Tork mingħand mara Żejtunija. Dawn il-pupi kienu ferm popolari fid-djar Maltin.

Kurdi, għax hekk kien jismu dan il-pupu ċkejken, kien stramb fid-dehra tiegħu. Pupu ċkejken u iswed faħma. Imma Kurdi ma kienx pupu bħall-oħrajn. Kien ferm differenti… Għal xiex ma kienx bħal pupi oħrajn? X’setgħat kellu dan il-pupu Tork?
Żaru u Kurdi jgħaddu minn ġrajjiet sbieħ u oħrajn pjuttost koroh. Ġrajjiet li fl-aħħar spiċċaw sabiex bidlu kompletament il-ħajja ta’ Żaru l-Bżaru, raġel xħiħ, maqtugħ għalih, jgħix f’remissa waħdu u li xejn ma kien jgħozz għajr il-flus li kellu.