Kif Jaħsibhom Mastru Gerfex

Rebbieħ tal-Premju Nazzjonali tal-Ktieb Rebbieħ: Frank Schembri għall-Aqwa Illustrazzjonijiet fi Ktieb għat-Tfal fil-Premju Nazzjonali tal-Ktieb Jerġa' lura, bi praspar ġodda, seħibna Mastru Gerfex! Dan jaħbat ir-raba' ktieb fis-sensiela ta' Mastru Gerfex, u jiġbor fih għaxar stejjer oħra dwar dan il-karattru simpatiku. Stejjer bħal meta kisser il-mera antika ta' martu Lugrezja, jew meta fil-Karnival libes ta' Tork bit-tarbux u Lugrezja m'għarfitux. U x'ġara meta żelaq fit-triq u ħabat rasu mal-art? Ma jistax jonqos li hawn ukoll ix-xwejjaħ ikollu jħabbat wiċċu ma' Kaspru l-Amerikan li kien dejjem imqabbad miegħu. Naqraw kif spiċċat l-affari meta Kaspru pprova jagħti tixriba lix-xwejjaħ billi jixħetlu fuqu barmil ilma kiesaħ. Insiru nafu wkoll b'liema mod ix-xwejjaħ ta lil Kaspru d-daqqa t'id li ried mingħandu. U x'ġara meta Mastru Gerfex twebbel biex jistudju l-Ġermaniż? U fiex jidħol il-bebbux? U kif spiċċat l-imħatra tax-xwejjaħ li jixrob minn flixkun magħluq?