Jinżlulek Għasel Ġabra ta' Aneddoti minn Maltin magħrufa

Jekk qed taħsbuha tixtrux kopja għaz-zija Anna, li qiegħda soru ma’ tal-Klawsura, jew għall-kuġin soċju tal-Mużew, agħlqu għajnejkom u ixtru. Niżgurawkom li m’hemm xejn skandaluż jew li jista’ jħammrilhom wiċċhom.

U jekk, bħalna, inzertajtu tħobbu l-annimali, tajjeb tkunu tafu li parti mid-dħul mill-bejgħ ta’ dan il-ktieb iddeċċidejna li ngħadduha lil xi santwarji tal-annimali, b’radd il-ħajr għall-ħidma fejjieda tagħhom.

Malta żgħira, u x’aktarx li għandkom konoxxenza ma’ wħud mill-personalitajiet li se tiltaqgħu magħhom u taqraw dwarhom f’dawn il-paġni.

Aħna ċerti minn ħaġa waħda. Il-Kontentut għandu jnisslilkom tbissima… kultant anke xi demgħa.