Marda Fil-Paci Ta' Gesu

Jiena Rachel, miżżewġa lil Mario. Ta’ 30 sena, wellidt lil Lucaċesarja. Ftit jiem wara li twieled, ġejt di agnosed li kelli kanċer.

Għamilt madwar sena dieħla u ħierġa l-isptar. Ħadt il-chemotherapy. Grazzi lil Alla fieqt kompletament. L-akbar weġgħa ma kienx il-kanċer fih innifsu imma l-fatt li kont ‘il bogħod minn Luca fl-ewwel jiem ta’ ħajtu. Minkejja din il-burraxka kollha, xorta kont niċċajta u nidħak.

Kelli ħafna talb u ħafna sapport u dawn kienu parti mill-fejqan tiegħi. Ktibt l-istorja tiegħi dwar dak kollu li kont għaddejja minnu. Ktibtha għal żewġ għanijiet. L-ewwel għan sabiex meta jikber Luca, jkollu l-ktieb bid-dettalji kollha ta’ x’ġara. U t-tieni għan sabiex jekk inkun naf lil xi ħadd li għaddej minn xi esperjenza simili ngħaddilu l-ktieb biex ikun ta’ kuraġġ għalih. Pero` ġara li meta missieri ra l-ktieb lest, hu ħareġ bl-idea li jiġi ppublikat u
l-qliegħ imur għal Puttinu Cares.

U jiena ddeċidejt li la se jgawdi Puttinu, jiena lesta li nagħmel l-istorja tiegħi pubblika.