Ritratti ta' Tfuliti

Ritratti Ta' Tfuliti huwa rakkont tat-tfulija ta' Reno Muscat, bil-personaġġi li ffurmawha, fil-waqtiet li sawruha, bl-attivitajiet li żejnuha. Fil-bidu kollox ikun idur madwar id-dar u l-familja, imbagħad it-triq u l-ġirien, il-knisja, ir-raħal, Malta bil-ġrajjiet il-kbar li seħħew fiha u fl-aħħar anke barra minn xtutna. Flimkien mar-rakkont dan il-ktieb huwa mżewwaq b'għadd ġmielu ta' fotografiji ta' persuni. drawwiet jew ħwejjeġ li tista' tgħid illum insejna bosta minnhom u nistgħu napprezzawhom biss bis-saħħa tar-ritratti jew tal-immaġinazzjoni għal min għandu memorja tajba. Dawn kollha u aktar huma ritratti tat-tfulija, mhux biss tal-awtur imma ta' bosta u bosta oħrajn.