Żiffa u Stejjer Oħra

Rebbieħ ta’ Premju Speċjali fil-Premju Nazzjonali tal-Ktieb F'din il-ġabra nsibu stejjer ta' xejriet differenti. Ġiżimina hija ħrafa tradizzjonali fejn il-Kavallier jirbaħ il-maħbuba tiegħu wara ħafna taqtigħ il-qalb. Imħabba, xi ftit mhux tas-soltu, terġa' tfeġġ f'Żiffa u f'Tajra. Il-Maria Elena u l-Poni tal-Fiera huma stejjer bi sfond ta' fantaxjenza waqt li Klawdju hija ħrafa klassika fejn il-protagonisti huma l-annimali. Dawn il-ħrejjef għandhom jingħoġbu sew miż-żgħar li jaraw fihom il-fantasija u stejjer ħelwin, kif ukoll fuq livell ieħor mill-kbar li jsibu fihom mera msaħħra tad-dinja li jafu huma.