Dak li l-Lejl Iħallik Tgħid

Rebbieħ tal-Premju Unjoni Ewropea għal-Letteratura Rebbieħ tal-Premju Nazzjonali tal-Ktieb Kienet se tbuslu l-kappi ta' għajnejh u tistaqsih x'hemm warajhom. X'kien qed jirnexxilu jara tant 'il bogħod? X'tip ta' sbuħija? X'tip ta' kruha? Kienet se tbuslu widnejh u kien se jgħidilha dwar il-ħsejjes kollha. Min beka u min daħak, min għajjat u min tkarrab. Kienet se tbuslu xufftejh u kien se jgħidilha kollox dwar il-kliem. Il-kliem li qal għax kien jemmnu u dak li qal għax kien jinstema' sabiħ. Wara s-suċċess kritiku u ta' qarrejja tal-ġabra Qed Nistenniek Nieżla max-Xita, dan hu r-ritorn ta' Pierre J. Mejlak għal-letteratura li għamlitu fost l-aqwa esponenti tal-letteratura Maltija kontemporanja