Diereverkenners: Tobie die Diepseeduiker

About Sharon Rentta

Sharon Rentta het grootgeword in Chester waar sy n grondslagkursus gedoen het voor sy n BA (Hons) in Grafiese ontwerp by die Liverpool John Moore Universiteit voltooi het. In 2003 verhuis sy na Cambridge om n MA in kinderboekillustrasie by die Cambridge School of Art aan te pak. Sy woon tans in Cambridge saam met haar man waar sy van haar tuisstudio af werk. Toekennings 2004 en 2005: Hoogsaangeskrewe - Die Macmillan-prys vir kinderboekillustrasies. 2013: Heinrich Wolgast-prys vir A Day with the Animal Doctors. Jaco Jacobs is een van Suid-Afrika se topkinderboekskrywers en lewer ook n belangrike bydrae as vertaler. Hy het al meer as tweehonderd boeke van kinderboeke tot tegnologie-boeke vertaal. Van sy vertalings sluit in A bear in a cave van Michael Rosen as n Beer in n grot en Alex Smith se Grietjie en die baie honger leeu. Vir sy vertaling van Chris Riddel se Ottoline and the yellow cat as Willemien en die geel kat kry hy in 2009 die Suid-Afrikaanse Vertalersinstituut se prys vir die vertaling van kinderboeke en die Suid-Afrikaanse Akademie vir Wetenskap en Kuns se Elsabé Steenbergprys vir vertaalde kinder- en jeugliteratuur.