Il-Hajja mzewqa tan-Nannu Karm

Imwieled f’familja tradizzjonali fir-raħal ta’ Ħal Tarxien, Karmenu minn dejjem kien tifel fuq tiegħu li jivvinta kull waħda tinkiteb. Għalkemm kien raħli, Karmenu kellu mħabba kbira lej l-ibliet u l-kultura. Hu laħaq kuratur tal-ġnien tal-Argotti fil-Furjana, fejn sar magħruf ma’ bosta nies f’Malta, xi wħud minnhom daqs bajda. Xogħlu dejjem ħadu b’serjetà liema bħalha u kellu passjoni kbira għall-flora Maltija. Kien patrijott u ambjentalista mill-akbar u ħadem u kiteb għal dan il-għan sakemm tatu saħħtu. Karmenu kellu kapaċità jaqsam lil kulħadd bid-daħk u jiġbed in-nies lejh bil-kariżma, l-umoriżmu u l-intelellett tiegħu. Dan il-ktieb inkiteb sabiex ħajtu u għemilu ma jintemmu qatt, u sabiex jibqa’ jferraħ u jdaħħak lill-poplu Malti kif kienet l-għaxqa tiegħu.

Din hija l-bijografija mżewqa b’ħafna praspar u rakkonti tal-maħbub Karmenu Penza: missier, nannu, bużnannu, botanist u raġel ta’ veru…